که ځواب هو وي: ټوخی یو عادی تکلیف دی چې ګڼ شمېر بېلابېل لاملونه لري. ټوخی یو محافظوي عکس العمل دی او هغه وخت شروع کېږي کله چې څه شی د سږو د هوا د لارو مخاطي پردې راوپاروي. کله چې ټوخی خپل شکل بدلوي او په پرله پسې ډول یې تکلیف زیاتېږي او یا یې شکل اوږمهاله زکام ته ورته وي، باید تل د ډاکټر لخوا معاینه شي.

که ځواب هو وي: که چېرې تاسو احساس کوئ چې په برانشونو کې مو د بلغم تولید زیات شوی دی نو لامل یې ممکن دا وي چې تاسو په وچ او د ګرد او دوړو څخه ډک ځای کې وخت تېروئ خو دا هم ممکنه ده چې تاسو په تنفسي انتاني ناروغیو اخته شوي یاست. غوره دا ده چې تاسو د خپل روغتیایي مرکز سره اړیکه ونیسئ او د علت د تشخیص لپاره د معاینې غوښتنه وکړئ.

که ځواب هو وي: د ویز/غژغژ غږ په عامه توګه هغه وخت پیدا کېږي کله چې د سږو د هوا پایپونه ځان راټول کړي او د هوا جریان پکې محدود شي. د دې لامل کېدای شي استما، د سږو مزمنه انسدادي ناروغۍ KOL یا د تنفسي سیستم انتاني ناروغۍ وي. دا حالت د زړه او د سږو نورې ناروغیو له کبله هم رامنځته کېدای شي. که چېرې تاسو دا علایم لرئ نو د نورو پلټنو او معایناتو لپاره د خپل روغتیایی چارو مرکز سره اړیکه ونیسئ.

که ځواب هو وي: که چېرې تاسو په تکراري ډول یا اوږدمهاله تنفسي مشکلات لرئ نو باید د روغتیایي چارو مرکز ته مراجعه وکړئ. که چېرې تاسو په ساه اخیستلو کې ستونزه لرئ، لوړه تبه لرئ او یا که ستاسو عمومی حالت بدتر شي نو ژر تر ژره روغتیایي چارو مرکز ته رجوع وکړئ. که چیری تاسو بیا بیا په میکروبي ناروغیو اخته کېږئ نو دا امکان لري د سږو نورو ناروغیو نښه وي او د مثال په توګه د سږو اختصاصي کلینیک کې باید نور هم وڅیړل شي.

که ځواب هو وي: ډیری خلک په دې باور دي چې د ساه لنډوالی اکثره د بدني کمزورتیا یا چاغوالي له امله وي. خو که چېرې تاسو د یو نسبتاً سپک بدني فعالیت په نتیجه کې یا د استراحت په حالت کې د ساه لنډۍ ښکار شئ نو دا ممکن د زړه یا سږو د ناروغۍ علامه وي او په داسې حالت کې باید د روغتیایي چارو مرکز ته مراجعه وکړئ.

که ځواب هو وي: ګرد او غبار، ګازونه، رادون یا ناسوځ مالوچ د روغتیا لپاره خطر لري. زموږ د سږو د هوا لارې حفاظتي میکانیزمونه لري خو د اوږدمهاله اغېزې لاندې راتلو په حالت کې دا میکانیزمونه ممکن کافي نه وي.

که ځواب هو وي: د تمباکو څکول په ګڼ شمېر ناروغیو باندې د اخته کېدو خطر زیاتوي چې په دې کې ګڼ شمېر د سرطان ډولونه، د زړه او سږو ناروغي، د شکرې ناروغي او د تنفسي سیستم انتاني ناروغۍ شاملې دي. سګریټ پرېښودل تل روغتیایي ګټې لري او په هر حالت کې ګټوره تمامېږي. روغتیایي تأسیسات کولای شي هغو کسانو سره مرسته وکړي چې غواړي سګریټ پرېږدي. که چېرې تاسو سګریټ څکول پرېښي وي نو مبارک مو شه! تاسو د خپل صحت لپاره یو ښه کار کړی دی او تاسو ته توصیه کېږي چط د سګریټ څکولو څخه ځان لرې وساتئ.

که ځواب هو وي: که چېرې د ټوخي سره مو وینه راځي نو دا کیدای شي په تنفسي سیستم یا برانشونو کې د التهاب او یا میکروب له امله وي خو د دې علامې لامل نور عوامل هم کېدای شي چې له دې جملې څخه یو عامل سرطان دی چې شتون او یا نه شتون یې باید د روغتیایی چارو مرکز کې د ترسره شویو ازموینو له لارې معلوم او تشخیص شي.